The news is by your side.

Advertisement

اظہر علی اہم اعزاز حاصل کرنے کے قریب

لاہور ٹیسٹ کے دوسرے روز آسٹریلیا کے خلاف اظہر علی 30 رنز کے ساتھ کریز پر موجود ہیں انہیں پاکستان کے ٹاپ فائیو بلے بازوں کی فہرست میں شامل ہونے کے لیے مزید 44 رنز درکار ہیں۔

لاہور ٹیسٹ کے دوسرے روز اظہر علی جب بیٹنگ کے لیے آئے تو انہیں ٹیسٹ کرکٹ میں 7 ہزار رنز مکمل کرنے کے لیے 74 رنز درکار تھے۔

اظہر علی دوسرے روز کھیل کے اختتام پر 30 رنز بناکر ناٹ آؤٹ ہیں اور انہیں 7 ہزار رنز مکمل کرنے کے لیے مزید 44 رنز درکار ہیں۔

اظہر علی سے قبل پاکستان کے صرف 4 بلے باز ہی ٹیسٹ کرکٹ میں 7 ہزار سے زائد رنز بناسکے ہیں، یونس خان ، جاوید میانداد، انضمام الحق اور محمد یوسف کے علاوہ کوئی بلے باز 7 ہزار رنز نہیں بناسکا ہے۔

پاکستان کی جانب سے یونس خان نے 213 اننگز میں 10099، جاوید میانداد نے 189 اننگز میں 8832، انضمام الحق نے 198 اننگز میں 8829 اور محمد یوسف نے 156 اننگز میں 7530 رنز بنائے۔

واضح رہے کہ اظہر علی ،حنیف محمد، انضمام الحق اور یونس خان پاکستان کی جانب سے ٹرپل سنچری بنانے والے بلے بازوں میں شامل ہیں۔

Comments

یہ بھی پڑھیں