لندن: قومی ٹیسٹ کرکٹ ٹیم کے کپتان اظہر علی کی تصویر کو سمر سیٹ کاؤنٹی کلب کی سال 2019 کی بہترین تصویر کا اعزاز مل گیا۔
کلب نے رواں سال کی سب سے بہترین تصویر کے لیے 19 تصاویر کا انتخاب کیا تھا جس پر ووٹنگ کے بعد اظہر علی کی بیٹنگ کے لیے پویلین سے جاتے ہوئے فوٹو کو نمبر ون قرار دیا گیا۔
سوشل میڈیا پر اظہر علی کی تصویر شیئر کرتے ہوئے سمر سیٹ کلب نے لکھا کہ اظہر علی کی یہ دلکش تصویر ووٹ کے ذریعے سال رواں کی بہترین تصویر قرار پائی ہے۔
This awesome picture of @AzharAli_ has been voted our 2019 photo of the year! 📸
Thanks to all that voted! 👍#WeAreSomerset pic.twitter.com/MCnxp83FHI
— Somerset Cricket 🏆 (@SomersetCCC) December 30, 2019
کلب نے تصویری مقابلے کے لیے کی گئی رائے شماری میں ووٹ دینے والوں کا شکریہ ادا بھی ادا کیا۔
اظہر علی نے سمر سیٹ کاؤنٹی کلب کی جانب سے 2 سیزن کھیلے ہیں جس میں ان کی شاندار کارکردگی نے شائقین کے دل جیت لیے تھے، انہوں نے سیون کاؤنٹی چیمپئن شپ میں مجموعی طور پر 400 سے زائد رنز بنائے تھے جس میں 125 رنز کی یادگار اننگز بھی شامل ہے۔
سال 2019 میں بھی اظہر علی کی متاثر کن کارکردگی کی بدولت سمر سیٹ کلب نے ون ڈے کپ میں کامیابی حاصل کی تھی۔