زمبابوے کے خلاف ہرارے ٹیسٹ میں پاکستان نے پہلے دن کھیل کے اختتام پر 4 وکٹوں کے نقصان پر 268 رنز بنالیے، اوپنر عابد علی اور اظہر علی نے سنچریاں اسکور کیں۔
سیریز کے دوسرے اور آخری ٹیسٹ میں پاکستان نے ٹاس جیت کر پہلے بیٹنگ کا فیصلہ کیا تو ابتدا میں ہی اسے عمران بٹ کی صورت میں نقصان اٹھانا پڑا جو صرف 2 رنز بنا کر چلتے بنے۔
پہلی وکٹ جلد گرنے کے بعد عابد علی اور اظہر علی نے ذمہ دارانہ بیٹنگ کرتے ہوئے اننگز کو آگے بڑھایا اور دوسری وکٹ پر 236 رنز جوڑ کر مجموعے کو 248 تک پہنچایا۔
قومی ٹیم میں ایک تبدیلی کی گئی ہے، فہیم اشرف کی جگہ تابش خان کو ٹیم میں شامل کیا گیا ہے، اسی کے ساتھ تابش خان نے اپنا ٹیسٹ میچ میں ڈیبیو کیا ہے، تابش خان پاکستان کی جانب سے ٹیسٹ میں ڈیبیو کرنے والے 245 ویں کھلاڑی ہیں۔
Stumps (day 1) at Harare Sports Club#ZIMvPAK | #HarHaalMainCricket | #BackTheBoysInGreen pic.twitter.com/CrwDijX4Gt
— Pakistan Cricket Live (@TheRealPCB_Live) May 7, 2021
قومی ٹیم کے ہیڈ کوچ مصباح الحق نے فاسٹ بولر کو ڈیبیو کیپ دی، بیٹنگ کوچ یونس خان نے تاریخی لمحے پر تابش خان کو گلے لگایا جبکہ ٹیم کے دیگر کھلاڑیوں نے ان کا حوصلہ بڑھایا۔
اظہرعلی نے ٹیسٹ کیریئر کی 18ویں سنچری اسکور کی وہ 126 رنز بنا کر آؤٹ ہوئے۔ کپتان بابر اعظم 2 اور فواد والم 5 رنز بنا کر آؤٹ ہوئے جب کہ عابدعلی ٹیسٹ نے کیریئر کی تیسری سنچری بنائی اور وہ 118 رنز پر ناٹ آؤٹ رہے۔