کرتار پور : گوردوارہ دربار صاحب میں بابا گرونانک کی برسی کی تقریبات کا آج آخری دن ہے،انتظامی کمیٹی نے آرمی چیف سے اظہار تشکر کرتے ہوئے انہیں ہیرو قرار دے دیا۔
تفصیلات کے مطابق گوردوارہ دربار صاحب کرتارپور میں بابا گرونانک کا481واں یوم وفات منایا جارہا ہے، گوردوارہ دربار صاحب میں 20 ستمبر سے جاری 3روزہ تقریبات کا آج آخری دن ہے۔
سکھوں کی مقدس کتاب سری گروگرنتھ صاحب کے اکھنڈ پاٹھ 20 ستمبرکو رکھےگئے، تقریبات کی انتظامی کمیٹی نے سپہ سالار جنرل قمر جاوید باجوہ سے اظہار تشکر کرتے ہوئے نیک خواہشات کا اظہار کیا اور انہیں ہیرو قرار دیا۔
انتظامی کمیٹی نے سرحد پار بھارتی حکومت کے زائرین سےناروا سلوک پر اظہار برہمی کرتے ہوئے کہا کہ پاکستانی حکومت نے بھارت کو خط لکھےلیکن زائرین کوآنے کی اجازت نہ دی گئی۔
امریکی قانون سازوں نےبھی 2دن قبل، بھارت کو”مخصوص خدشات والا ملک” قراردیا ، امریکا کے14 سینیٹرز نے بھارت کو مذہبی آزادی کے حوالے سے بدترین مجرم گردانا جبکہ امریکی وزیر خارجہ کورواں ماہ 10ریپبلکن، 4ڈیموکریٹ سینیٹرزنےدستخط شدہ خط بھیجا۔
3روزہ تقریبات کی اختتامی تقریب میں پاکستان سمیت دنیا بھر سے ہزاروں یاتریوں نے شرکت کی اور گوردوارہ دربار صاحب کرتارپور کمپلیکس میں انتظامات کو سراہا۔
