اسلام آباد : بابراعوان نے مشیر پارلیمانی امور کے عہدے سے استعفیٰ دے دیا، جسے وزیر اعظم نے منظور بھی کرلیا ہے، ان کا کہنا ہے کہ قانون کی حکمرانی مجھ سے شروع ہونی چاہئے، کبھی مایوس نہیں کروں گا۔
تفصیلات کے مطابق وزیر اعظم کے پارلیمانی مشیر بابر اعوان ایڈووکیٹ قومی احتساب بیورو کے ریفرنس میں عائد الزامات پر اپنے عہدے سے مستعفی ہوگئے، ان کا استعفیٰ وزیر اعظم عمران خان نےمنظور کرلیا۔
وزیر اعظم کو بھیجے گئے استعفی میں ان کا مؤقف ہے کہ وزیر اعظم عمران خان کی جانب سے قوم سے کیا گیا وعدہ نبھاتے ہوئے میں وزارت پارلیمانی امور کے مشیر کے عہدے سے مستعفی ہوتا ہوں تاکہ نیب ریفرنس کے بے بنیاد الزامات کو غلط ثابت کر سکوں۔
کرسی سے چمٹے رہنے کے بجائے، ہاتھ سے استعفٰی لکھ کر اپنے کپتان کو دے دیا ہے، عدالت میں ڈٹ کر نے گناہی ثابت کروں گا۔
وَتُعِزُّ مَن تَشَاءُ وَتُذِلُّ مَن تَشَاءُۖ— Babar Awan (@BabarAwanPK) September 4, 2018
ان کا مزید کہنا ہے کہ نیب ریفرنس میں تاخیر کا الزام ہے پھر بھی میں ایک قانون دان کی حیثیت سے عہدے سے چمٹے رہنا مناسب نہیں سمجھتا، اپنے آپ سے قانون کی بالادستی شروع کررہا ہوں کیونکہ ہمارے جلیل القدر صحابہ کرام کا بھی طریقہ یہی ہے۔
اپنے ٹوئٹر پیغام میں ان کا مزید کہنا ہے کہ ڈی جی آپریشنز نیب ظاہر شاہ سے بارہا دفاع کا حق مانگا، میرے خلاف پہلے دن سے آخری دن تک یکطرفہ کاروائی ہوئی۔
کمیشن، انکوائری، انوسٹی گیشن میں نہیں بلایا گیا۔ سارے قانونی آپشن استعمال کروں گا،میرے خلاف تمام کارروائی دو کالی بھیڑوں نے سیاسی مخالفین سے مل کر کی ہے۔
ڈی جی آپریشنز نیب ظاہر شاہ سے بارہا دفاع کا حق مانگا۔ میرے خلاف پہلے دن سے آخری دن تک یکطرفہ کاروائی ہوئی۔ کمیشن، انکوائری، انوسٹیگیشن میں نہ بلایا گیا۔ سارے قانونی آپشن استعمال کروں گا
— Babar Awan (@BabarAwanPK) September 4, 2018
علاوہ ازیں اس حوالے سے ذرائع کا کہنا ہے کہ وزیراعظم عمران خان نے نیب ریفرنس پر بابراعوان سے استعفیٰ دینے کا کہا تھا، بابراعوان پرنندی پور پروجیکٹ میں تاخیری حربوں کا نیب ریفرنس دائر کیا گیا ہے
