پاکستان تحریک انصاف کے رہنما بابر اعوان نے کہا ہے کہ چیف الیکشن کمشنر کیخلاف ریفرنس ابھی نہ تو فائل ہوا ہے اور نہ واپس لیا ہے۔
پاکستان تحریک انصاف کے رہنما بابر اعوان نے چیف الیکشن کمشنر کے خلاف ریفرنس واپس لینے سے متعلق خبروں کی سماجی رابطوں کی ویب سائٹ ٹوئٹر پر اپنے اکاؤنٹ پر ٹوئٹ کرکے تردید کردی ہے۔
پی ٹی آئی رہنما نے اپنے ٹوئٹ میں لکھا ہے کہ چیف الیکشن کمشنر کیخلاف ریفرنس ابھی نہ تو فائل ہوا ہے اور نہ ہی واپس لیا ہے۔
بابر اعوان کا کہنا تھا ریفرنس پر تیاری جاری ہے جس کیلیے دستاویز ی مواد اکھٹا کیا جا رہا ہے۔ فیک نیوز لیکس پر کان نہ دھریں۔
ہمیشہ کی طرح، ایک بار پھر ڈان نیوز نے فیک نیوز کی بازی جیت لی۔ چیف الیکشن کمشنر کے خلاف ریفرنس ابھی نہ تو فائل ہوا اور نہ واپس/withdraw۔ ریفرنس پر تیاری جاری ہے۔ جس کے لئے دستاویز اور material اکھٹا کیا جارہا ہے۔ فیک نیوز لیکس پر کان نہ دھریں۔
— Babar Awan (@BabarAwanPK) August 4, 2022
واضح رہے کہ اس سے قبل پی ٹی آئی رہنما فواد چوہدری نے چیف الیکشن کمشنر سلطان سکندر راجا کیخلاف ریفرنس واپس لینے کی تصدیق کرتے ہوئے کہا تھا کہ چیف الیکشن کمشنر کیخلاف ریفرنس بھیجا تھا جو آج ہی واپس لیا گیا ہے۔
انہوں نے کہا تھا کہ ریفرنس میں الیکشن کمیشن کے پی ٹی آئی ممنوعہ فنڈنگ کیس کے فیصلے کو بھی ساتھ لگا کر دوبارہ ریفرنس بھیجیں گے۔
مزید پڑھیں: فواد چوہدری نے چیف الیکشن کمشنر کیخلاف ریفرنس واپس لینے کی وجہ بتادی
فواد چوہدری نے کہا تھا کہ الیکشن کمیشن نے جس طرح فیصلہ تبدیل کیا یہ بہت بڑا جرم ہے، الیکشن کمیشن نے میڈیا کو اور فیصلہ دیا بعد میں اور فیصلہ جاری کیا، اس فیصلے کو ساتھ لگا کر دوبارہ ریفرنس فائل کریں گے
