The news is by your side.

Advertisement

نااہل تیرے جان نثار،کھا پی کے سب فرار ، بابر اعوان

اسلام آباد : پاکستان تحریک انصاف کے رہنما بابر اعوان کا کہنا ہے کہ آج راولپنڈی کی غیورعوام نے بھی کہہ دیا، نااہل تیرے جان نثار،کھا پی کے سب فرار۔

تفصیلات کے مطابق پی ٹی آئی کے رہنما بابر اعوان نے نواز شریف کی ریلی پر تبصرہ کرتے ہوئے سماجی رابطے کی ویب سائٹ ٹوئٹر پر اپنے پیغام میں کہا کہ آج راولپنڈی کی غیورعوام نے بھی کہہ دیا، نااہل تیرے جان نثار،کھا پی کے سب فرار۔

بابر اعوان نے کہا کہ کہا تھا ،یہ لوہے کے چنے نہیں، چکر چھولے ہیں۔

پی ٹی آئی رہنما نے ٹوئٹ میں مزید لکھا کہ شیر آیا، منمنایا، پوٹھوہاریوں نے بھگایا! کہیں نظر نہ آیا! ڈھونڈ سکتے ہو تو ڈھونڈ لو۔۔


مزید پڑھیں : اب کس منہ سے کنٹینر پر جاؤ گے، شرم تم کو مگر نہیں آتی، بابر اعوان


گذشتہ روز پاکستان تحریک انصاف کے رہنما بابر اعوان نے میڈیا سے گفتگو میں نواز شریف کے کنٹینر پرطنز کرتے ہوئے کہا تھا کہ یہ تو کہتے تھے عمران خان کی طرح کنٹینر پرنہیں چڑھتے، اب کس منہ سے کنٹینر پر جاؤ گے، شرم تم کو مگر نہیں آتی۔

بابر اعوان کا کہنا تھا کہ حقائق کا سب کومعلوم ہے، سرکس کا شیر بھاگ گیا ہے، نوازشریف جتنا چاہیں خرچہ کرلیں، ان سے حساب لیا جائیگا، قوم کو گاڈ فادر کے اصل اکاؤنٹ کا پتہ لگ گیا ہے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email

Comments

comments

یہ بھی پڑھیں