The news is by your side.

Advertisement

بابر اعظم نے کیریئر کی 12ویں سنچری جڑ دی

راولپنڈی: قومی ٹیم کے کپتان بابر اعظم نے زمبابوے کے خلاف شاندار سنچری بنالی، میچ کا فیصلہ سپر اوور پر ہوگا۔

اے آر وائی نیوز کی رپورٹ کے مطابق راولپنڈی میں کھیلے جانے والے تیسرے ون ڈے میچ میں قومی ٹیم کے کپتان بابر اعظم نے زمبابوے کے خلاف کیریئر کی 12ویں سنچری بنا ڈالی۔

بابر اعظم کی اننگز میں 12 چوکے شامل ہیں، انہوں نے 104 گیندوں پر 109 رنز بنارکھے ہیں۔

بابر اعظم نے سنچری بنا کر ہاشم آملہ اور ویرات کوہلی کو پیچھے چھوڑ دیا، ہاشم آملہ اور کوہلی نے یہ کارنامہ بالترتیب 81 اور 83 اننگز میں انجام دیا تھا جبکہ بابر نے 12ویں سنچری 75 اننگز میں بنائی ہے۔

واضح رہے کہ اس سے قبل بابر اعظم نے 76 میچز کی 74 اننگز میں 11 سنچریوں اور 16 نصف سنچریوں کی مدد سے 3455 رنز بنارکھے تھے، ون ڈے میں ان کی بیٹنگ اوسط 54.84 ہے۔

پاکستان کرکٹ بورڈ (پی سی بی) اور انٹرنیشنل کرکٹ کونسل (آئی سی سی) کی جانب سے بابر اعظم کو سنچری اسکور کرنے پر مبارک باد پیش کی گئی ہے، آئی سی سی کا کہنا ہے کہ بابر کی اننگز سے پاکستان میچ میں واپس آگیا ہے۔

 

Comments

یہ بھی پڑھیں