دبئی : پاکستانی بیٹسمین بابراعظم نے45ویں اننگز میں دوہزار رنز کا سنگ میل عبور کرلیا، لیجنڈ بیٹسمین ظہیرعباس کے بعد بابراعظم پینتالیسویں اننگز میں دوہزار رنز بنانے والے دوسرے پاکستانی بیٹسمین ہیں۔
گرین ٹیم کے ٹاپ آرڈر بلےباز بابراعظم نے ایک اور کارنامہ اپنی ریکارڈ بک میں شامل کرلیا۔ ون ڈے انٹرنیشنل میں تیزترین دو ہزار رنز بنا ڈالے۔ نوجوان بلے باز نے ون ڈے کیرئر کی پینتالیسویں اننگز میں نام دو ہزار رنز کے کلب میں شامل کرایا۔
مزید پڑھیں: بابر اعظم ٹی ٹوئنٹی رینکنگ میں پہلے نمبر پر آگئے
ہانگ کانگ کیخلاف میچ سے پہلے بابراعظم ایک ہزارنو سو تہتر رنز بنا چکے تھے۔ انہیں ایشین بریڈمین ظہیرعباس کا ریکارڈ برابر کرنے کیلئے ستائیس رنز درکارتھے، سابق انگلش بیٹسمین کیون پیٹرسن بھی یہ اعزاز رکھتے ہیں۔
مزید پڑھیں: بابر اعظم نے مین آف دی سیزیز کا ایوارڈ ’کراچی والوں‘ کے نام کردیا
