قومی ٹیم کے سابق کپتان بابر اعظم نے امام الحق کو ولیمے پر اہم مشورہ دے دیا۔
قومی کرکٹ ٹیم کے اوپنر امام الحق اپنی دوست ڈاکٹر انمول محمود کے ساتھ رشتہ ازدواج میں منسلک ہوئے تو سابق کپتان بابر اعظم نے انہیں اہم مشورہ دے دیا۔
گزشتہ روز لاہور میں امام الحق اور انمول کے ولیمے کی تقریب منعقد کی گئی جس میں سابق کپتان سمیت قومی ٹیم کے دیگر کھلاڑیوں نے شرکت کی۔
بابر نے امام کے ساتھ ولیمے کے موقع پر لی گئی تصویر شیئر کی۔
بابر اعظم نے لکھا کہ ’زندگی کی نئی اننگز شروع کرنے کا وقت آگیا ہے، اس نئے سفر میں میری دعائیں آپ کے ساتھ ہیں، آپ کو دنیا کی تمام خوشیاں ملیں۔‘
اُنہوں نے امام الحق کو اہم مشورہ دیتے ہوئے کہا کہ “براہ کرم! اب اپنے دوستوں کے ساتھ بھی کچھ وقت گزارنے کی کوشش کریں، ہمیں بھول نہ جانا”۔
Time to open your new innings of life @ImamUlHaq12!
Best of luck in the new journey. May it bring all the happiness in the world.
Please try to spend some time with your friends as well from now. Bhool na jana pic.twitter.com/O4uOiKGeOa
— Babar Azam (@babarazam258) November 26, 2023
واضح رہے کہ انمول اور امام کے ولیمے کی تقریب میں سابق کپتان بابر اعظم، سرفراز احمد، مصباح الحق، چیف سلیکٹر وہاب ریاض، انضمام الحق، ٹی ٹوئنٹی کپتان شاہین آفریدی، ٹیسٹ کپتان شان مسعود، حسن علی، عثمان قادر، عابد علی، کامران اکمل، سابق ڈائریکٹر پی سی بی ذاکر خان اور قومی ٹیم کے اسسٹنٹ منیجر منصور رانا سمیت دیگر اہم شخصیات نے شرکت کی تھی۔
یاد رہے کہ امام الحق کی شادی کی تقریبات کا آغاز مہندی سے ہوا تھا جس کے بعد قوالی نائٹ، بارات اور پھر ولیمے کی تقریب ہوئی۔
