قومی کرکٹ ٹیم کے سابق کپتان بابراعظم بھی غزہ پر اسرائیلی جارحیت پر مظلوم فلسطینیوں کے حق میں بول پڑے۔
گزشتہ ایک ماہ سےجاری اسرائیل کی فلسطین پر دہشتگردی کے خلاف دُنیا بھر کی معروف شخصیات اپنے اپنے خیالات کا اظہار کرتے ہوئے غزہ میں جاری جنگ کو فوری طور پر روکنے کا مطالبہ بھی کر رہے ہیں۔
تاہم اب پاکستان کرکٹ ٹیم کے سابق کپتان بابر اعظم نے کپتانی سے استعفیٰ دینے کے بعد فلسطینیوں کیلئے پیغام جاری کیا ہے۔
بابر اعظم نے فوٹعو اینڈ ویڈیو شیئرنگ ایپ انسٹاگرام پر ایک ننھی بچی کی تصویر شیئر کی جس نے ہاتھ میں فلسطین کا جھنڈا پکڑ رکھا ہے۔
مذکورہ بچی تباہ شدہ گھر کے ملبے پر بیٹھی ہوئی ہے جبکہ اس کے ایک ہاتھ میں اس کی گُڑیا ہے۔
بابر اعظم نے اس پوسٹ کے کیپشن میں یہ شعر لکھا ؛
اے خاصہ خاصان رسل وقت دعا ہے
امت پہ تیری آ کے عجب وقت پڑا ہے
View this post on Instagram
بابر اعظم کا لمبی خاموشی کے بعد بلآخر فلسطین کے حق میں پوسٹ جاری کرنا ان کے مداحوں کی جانب سے سراہا جارہا ہے۔
