راولپنڈی: پاک سر زمین پر کیریئر کے پہلے ٹیسٹ میں سنچری بنانے والے بابر اعظم نے کہا ہے کہ چائے کے وقفے کے بعد پلان تبدیل کرتے ہوئے سنچری بنانے میں کامیاب ہوگیا۔
سری لنکا کے خلاف راولپنڈی ٹیسٹ کے اختتام پر اپنے انٹرویو میں بابر اعظم نے کہا کہ کوشش یہی تھی کہ لمبا کھیلوں، چائے کے وقفے کے بعد منصوبہ بدلااورتیزکھیلا جس کی وجہ سے سنچری بنانے میں کامیاب ہوا۔
🎥 @babarazam258 interview at Pindi Cricket Stadium.#PAKvSL pic.twitter.com/PQQ03iCj29
— Pakistan Cricket (@TheRealPCB) December 15, 2019
انہوں نے بتایا کہ عابد علی نروس نائنٹیز کا شکار تھے مگر انہیں حوصلہ دیا اور وہ دباؤ سے باہر آئے، اوپنر نے زبردست باری کھیلی۔
بابر اعظم کا کہنا تھا کہ ہوم کراؤڈ کے سامنے کھیل کر اچھا لگا، شائقین نے زبردست جوش و خروش کا مظاہرہ کیا، امید ہے اگلے میچ میں بھی شائقین اسی اسپرٹ کو برقرار رکھیں گے۔
Well done! #BabarAzam #Pakistan pic.twitter.com/RXzNbpreUg
— ASIFBOKHARISPEAKS (@AsifBokhari1) December 15, 2019
