انٹرنیشنل کرکٹ کونسل (آئی سی سی) کی جانب سے ٹیسٹ بلے بازوں کی نئی رینکنگ جاری کردی گئی ہے، بابر اعظم کی رینکنگ میں 6 درجے تنزلی ہوئی ہے۔
قومی ٹیسٹ ٹیم کے سابق کپتان بابر اعظم آئی سی سی کی رینکنگ میں تیسرے سے نویں نمبر پر پہنچ گئے ہیں۔
وکٹ کیپر بلے باز محمد رضوان کی رینکنگ میں 7 درجے بہتری آئی ہے، عثمان خواجہ اور محمد رضوان کے یکساں پوائنٹ کے ساتھ دسویں اور 11 ویں نمبر پر براجمان ہیں۔
سعود شکیل کی رینکنگ میں بہتری آئی ہے وہ 14 ویں سے 13 ویں نمبر آ گئے جبکہ محمد رضوان ٹاپ ٹین میں شامل ہو گئے، یہ ان کے کیریئر کی بہترین رینکنگ ہے۔
پہلے نمبر کی اگر بات کی جائے تو انگلینڈ کے جو روٹ پہلے اور نیوزی لینڈ کے کین ولیمسن دوسرے نمبر پر موجود ہیں، نیوزی لینڈ کے ڈیرل مچل تیسرے نمبر موجود ہیں جبکہ ہیری بروک 3 درجے ترقی کے بعد چوتھے نمبر پر پہنچ گئے ہیں۔
’’اَن فٹ مشفق الرحیم فٹ بابر اعظم سے بہتر ہے‘‘
بھارت کے روی چندرن ایشون کا ٹیسٹ بولرز میں پہلا نمبر ہے، پاکستان کے شاہین آفریدی 2 درجے تنزلی کے بعد 10 ویں نمبر پر پہنچ گئے ہیں۔ جبکہ بھارت کے رویندرا جڈیجا کا ٹیسٹ آل راؤنڈرز میں پہلا نمبر برقرار ہے۔
