پاکستان کرکٹ ٹیم کے سابق کپتان بابر اعظم کے والد اعظم صدیقی بیٹے کی حمایت میں دوبارہ سوشل میڈیا پر سرگرم ہوگئے۔
سابق کپتان کے والد اعظم صدیقی نے دو ہفتے قبل سوشل میڈیا سے بریک لینے کا اعلان کیا تھا۔ مگر اپنے بیٹے کو ٹیسٹ اسکواڈ میں شامل نہ کئے جانے پر دوبارہ سوشل میڈیا پر سرگرم ہوگئے۔
سوشل میڈیا پر جاری کیے گئے بیان میں اعظم صدیقی کا کہنا تھا کہ بابر اعظم جلد آپ کو کھیلتا اور فارم میں نظر آئے گا۔ پی سی بی نے انہیں آرام کرنے کا موقع دیا ہے۔
اُنہوں نے کہا کہ کچھ نہیں ہوا، ہم اللّٰہ کی رضا سے راضی تھے، ہیں اور رہیں گے۔
واضح رہے کہ انگلینڈ سے پہلے ٹیسٹ میں شرمناک شکست کے بعد دوسرے اور تیسرے ٹیسٹ میچ کے لیے پاکستان ٹیسٹ اسکواڈ سے سابق کپتان سمیت شاہین شاہ آفریدی اور نسیم شاہ آرام کو کرانے کا فیصلہ کیا گیا تھا۔
اس سے قبل قومی ٹیم کے سابق وکٹ کیپر بیٹر کامرن اکمل کا کہنا ہے کہ ڈومیسٹک کے رگڑے کھانے والوں نے آکر جیت دلائی۔
اے آر وائی نیوز سے خصوصی گفتگو کرتے ہوئے سابق اوپنر کامران اکمل نے کہا کہ ہائی جیکرز نے تین سال کچھ نہ کیا، ڈومیسٹک میں رگڑے کھانے والوں نے آکر پاکستان کو جیت دلوائی۔
کیا محمد رضوان کو کپتان بنایا جارہا ہے؟
انہوں نے کہا کہ چیئرمین اس ٹیم کو سپورٹ کریں اور ان کھلاڑیوں کو نوازیں۔
دوسری جانب باسط علی نے کہا کہ عاقب جاوید نے دوستی یاری نہیں چلنے دی، پاکستان میں کچھ لوگ اسپن وکٹیں نہیں بنانے دیتے وہ نہیں چاہتے بیٹنگ پرفارمنس خراب ہو۔
