The news is by your side.

Advertisement

ورلڈ ٹی 20 میں اچھا پرفارم کریں گے، بابر اعظم

لاہور : قومی کرکٹ ٹیم کے کپتان بابر اعظم نے کہا ہے کہ ورلڈ ٹی 20 میں اچھا پرفارم کریں گے، یو اے ای کا ماحول گرین شرٹس کیلئے موزوں ہے۔

لاہور میں ورچوئل پریس کانفرنس سے خطاب کرتے ہوئے بابراعظم کا کہنا تھا کہ متحدہ عرب امارات کے میدانوں میں پاکستان کا ریکارڈ شاندار ہے۔

انہوں نے کہا کہ امید ہے کہ قومی ٹیم کے تمام کھلاڑی ورلڈ ٹی ٹوینٹی میں اچھا پرفارم کریں گے، ہم ہر میچ کے حساب سے اس کی حکمت عملی مرتب کریں گے۔

کپتان بابر اعظم نے کہا کہ ورلڈ کپ میچز میں بھی رضوان کے ساتھ اننگز کا آغاز کروں گا، میچ کی کنڈیشن دیکھ کر بیٹنگ آرڈر میں ردو بدل کا فیصلہ کریں گے۔

انہوں نے کہا کہ ہم متحدہ عرب امارات میں کرکٹ کھیلنے کا وسیع تجربہ رکھتے ہیں، جہاں ضرورت محسوس ہوئی اضافی اسپنرز بھی کھلائیں گے، بھارت کے خلاف میچ میں صرف دباؤ کو اپنے ذہن سے نکالنا ہے۔

ٹیم پاکستان کے کپتان کا کہنا تھا کہ دورحاضر میں بیشتر ٹیمیں مثبت کرکٹ کھیلنے کی کوشش کرتی ہیں اور ہماری ٹیم کو بھی ضرورت ہے کہ وہ اسی پہلو کا خیال رکھتے ہوئے کھیلے تو اس کیلئے کامیابی کا حصول مشکل نہیں ہوگا۔

Comments

یہ بھی پڑھیں