کراچی: قومی ٹیم کے نائب کپتان شاداب خان کے نکاح کے بعد امام الحق نے کپتان بابر اعظم کو مخاطب کرتے ہوئے پوسٹ شیئر کردی۔
قومی ٹیم میں ان دنوں شادیوں کا سیزن ہے مڈل آرڈر بیٹر شان مسعود کے رشتہ ازدواج میں منسلک ہونے کے بعد شاداب خان بھی رشتہ ازدواج میں منسلک ہوگئے جس کی ویڈیوز اور تصاویر سوشل میڈیا پر وائرل ہوگئیں۔
شاداب خان کا نکاح ہیڈ کوچ ثقلین مشتاق کی صاحبزادی سے گزشتہ روز ہوا، انہوں نے لکھا تھا کہ ’الحمدللہ آج میرا نکاح تھا یہ میری زندگی کا بڑا دن اور نئے باب کا آغاز ہے۔‘
Thank you everyone for all the wonderful messages. Truly feel blessed to have so many well-wishers. Thank you for respecting our privacy. Sending prayers for all.
— Shadab Khan (@76Shadabkhan) January 24, 2023
شاداب خان کو قومی کرکٹرز اور کرکٹ شائقین کی جانب سے انہیں مبارک باد دینے کا سلسلہ جاری ہے۔
ایسے میں امام الحق نے بھی سماجی رابطے کی ویب سائٹ ٹوئٹر پر دلہے کی پگڑی پہنے تصویر سوشل میڈیا پر شیئر کردی۔
Tired of wardrobe trials for attending someone else’s wedding 😂
I think ab humein bhi kuch sochna paray ga janab photographer @babarazam258 😉#weddingseason pic.twitter.com/jEeNm65nhZ
— Imam Ul Haq (@ImamUlHaq12) January 24, 2023
انہوں نے تصویر شیئر کرتے ہوئے کپتان بابر اعظم کو مخاطب کیا اور لکھا کہ ’بابر اب ہمیں بھی شادی کے بارے میں کچھ سوچنا پڑے گا کیونکہ دوسروں کی شادیوں میں جانے کے لیے کپڑے پہن پہن کر تھک گیا ہوں۔‘
واضح رہے کہ رواں ماہ اسپیڈ اسٹار حارث رؤف اور شاداب خان کا نکاح ہوا جبکہ شان مسعود کی دلہنیا گھر لے آئے جبکہ شاہین آفریدی کا نکاح شاہد آفریدی کی بیٹی سے تین فروری کو ہوگا۔
