پاکستان کرکٹ ٹیم کے کپتان بابر اعظم نے کہا ہے کہ دبئی میں ویسٹ انڈیز کے خلاف سیریز ان کے کیریئر کا ٹرننگ پوائنٹ تھا۔
اے آر وائی نیوز کے مطابق قومی کرکٹ ٹیم کے کپتان بابر اعظم نے انگلینڈ سے ٹیسٹ سیریز سے قبل سابق انگلش کپتان ناصر حسین کو انٹرویو دیتے ہوئے کہا کہ جب میں ٹیم میں آیا تو آغاز اچھا تھا لیکن سال بعد پُرفارمنس اتنی اچھی نہیں تھی۔ اس موقع پر اس وقت کے کوچ مکھی آرتھر نے میرا بہت ساتھ دیا اور مجھے کہا کہ صرف کھیل پر توجہ دیں ،منفی چیزیں نہ سوچیں۔
بابر اعظم نے کہا کہ دبئی میں ویسٹ انڈیز کے خلاف سیریز کیریئر کا ٹرننگ پوائنٹ تھا۔ اس سیریز میں 3 سنچریاں اسکور کیں جس سے پرفارمنس میں تسلسل آیا۔
قومی کپتان نے میرے رول ماڈل سابق جنوبی افریقی بیٹر اے بی ڈویلیئرز ہیں۔ مجھے شروع سے ان کی بیٹنگ کا انداز پسند تھا۔ انہیں جب بھی شاٹس کھیلتے دیکھتا تو نیٹ میں اس کی پریکٹس کرتا تھا۔
Nasser Hussain interviews Babar Azam ahead of the start of Pakistan vs England Test series 🎙️#PAKvENG | #UKSePK pic.twitter.com/lo3AvT7UMZ
— Pakistan Cricket (@TheRealPCB) November 29, 2022
بابر اعظم نے اس مقام تک پہنچنے کا کریڈٹ اپنے والد کو دیتے ہوئے کہا کہ کیریئر میں میرے والد کا کردار بہت اہم ہے۔ وہ مجھے ہر میچ میں خود لے کر جاتے تھے اور میرے سارے میچز بھی دیکھتے تھے۔ بیٹنگ بہتر کرنے میں والد نے بہت مدد کی۔ جب میں نے انڈر 19 کھیلنا شروع کی تو اندازہ ہوا۔
قومی کپتان نے انگلینڈ ٹیم کو خوش آمدید کہتا ہوں۔ ٹیسٹ سیریز کے لیے پرجوش ہیں۔ یہ ایک تاریخی سیریز ہے۔ امید ہے اچھی کرکٹ کھیلیں گے اور انگلش ٹیم بھی دورہ پاکستان کو انجوائے کرے گی۔