قومی ٹیم کے کپتان بابر اعظم پاکستان کی جانب سے سب سے زیادہ سنچری بنانے والے دوسرے بلے باز بن گئے۔
آسٹریلیا کے خلاف تیسرے ون ڈے میچ میں بابر اعظم نے کیریئر کی 16 ویں سنچری اسکور کرکے محمد یوسف کو پیچھے چھوڑ دیا، فہرست میں پہلے نمبر پر 20 سنچریاں بنانے والے سعید انور ہیں۔
بابر اعظم نے کیریئر کی 84 ویں اننگز میں 16 ویں سنچری کرکے ایک اور ریکارڈ اپنے نام کیا۔
Most ODI hundreds for Pakistan!#BoysReadyHain l #PAKvAUS pic.twitter.com/Cv9kpQPj79
— Pakistan Cricket (@TheRealPCB) April 2, 2022
بابر اعظم نے کم سے کم اننگز میں 16 سنچریاں بنانے کا ریکارڈ بھی بنالیا۔ پاکستانی کپتان سے قبل یہ اعزاز 94 اننگز میں 16 سنچریاں کرنے والے ہاشم آملہ کے پاس تھا۔
بابر اعظم نے اپنے کیریئر کی 19.04 فیصد اننگز میں سنچریاں اسکور کی ہیں، پاکستان کے کپتان سب سے زیادہ سنچری بنانے کی اوسط میں بھی سرفہرست ہیں۔
BABAR JUST LOVES SCORING HUNDREDS
The Pakistan skipper leaves behind some of the biggest names to become the fastest to 1️⃣6️⃣ ODI s #PAKvAUS #BabarAzam #ViratKohli pic.twitter.com/BKLZetQE0G
— CricWick (@CricWick) April 2, 2022
بابر اعظم بطور کپتان پانچ ون ڈے سنچری بنانے والے پہلے پاکستانی بھی بن گئے ہیں۔
واضح رہے کہ پاکستان نے آسٹریلیا کو 20 سال بعد ون ڈے سیریز میں شکست دی، بابر اعظم کو سیریز اور میچ کا بہترین کھلاڑی قرار دیا گیا۔
