پاکستان کرکٹ ٹیم کے سابق کپتان اور اسٹار بیٹر بابر اعطم نے عمرہ کی سعادت حاصل کر لی ہے ان کے ہمراہ بھائی سفیر اعظم بھی ہیں۔
پاکستان کرکٹ ٹیم کے اسٹار بیٹر اور سابق کپتان بابر اعظم نے اپنے بھائی سفیر اعظم کے ہمراہ عمرہ کی سعادت حاصل کر لی ہے۔
عمرہ کی سعادت حاصل کرنے پر بابر اعظم کے مداح سمیت دیگر صارفین انہیں مبارک باد پیش اور نیک خواہشات کا اظہار کر رہے ہیں۔
اس حوالے سے بابر اعظم کے بھائی سفیر نے مسجد الحرام میں افطار کی ویڈیو بھی اپنے سوشل میڈیا اکاؤنٹ سے جاری کی تھی جس میں دونوں کو افطار کرتے ہوئے دیکھا جا سکتا ہے۔
بابر اعظم نیوزی لینڈ کے خلاف تین ون ڈے میچز کی سیریز کے لیے اسکواڈ کا حصہ ہیں اور وہ 15 مارچ کو وطن واپس پہنچ کر سیریز کی تیاریوں کا آغاز کریں گے۔
واضح رہے کہ پاکستان ون ڈے ٹیم کے کپتان محمد رضوان اور فاسٹ بولر نسیم شاہ بھی عمرہ ادائیگی کے لیے ان دنوں سعودی عرب میں موجود ہیں تاہم اب تک اس حوالے سے کوئی اپ ڈیٹ نہیں ملی ہے۔
