کراچی : سابق کرکٹر باسط علی نے بتایا ہے کہ شاہین شاہ آفریدی پر دباؤ ڈالنے کیلئے محمد عامر کو قومی ٹیم میں شامل کیا گیا اور یہ کام بابر اعظم نے کیا۔
امریکا اور آئرلینڈ کا میچ بارش کے باعث بےنتیجہ ختم ہونے کے بعد پاکستان کرکٹ ٹیم نے بھی اس میگا ایونٹ سے واپسی کیلیے اپنا رخت سفر باندھ لیا ہے, قومی ٹیم شیڈول کا آخری میچ کھیل کر وطن واپسی کا ٹکٹ کٹوا لے گی۔
ٹی ٹوئنٹی ورلڈ کپ میں پاکستان کے باہر ہونے پر شائقین کرکٹ میں غم و غصے کی لہر دوڑ گئی ہے، اے آر وائی نیوز کے پروگرام ہر لمحہ پرجوش میں تجزیہ نگار اور سابق کرکٹر باسط علی بھی کافی برہم دکھائی دیئے۔
انہوں نے بتایا کہ محمد عامر کی پرفارمنس کیا تھی؟ یہ ٹیم پاکستان کی ٹیم نہیں بلکہ بابر الیون اور وہاب ریاض الیون ہے۔ صرف پسند اور ناپسند کا کھیل کھیلا جارہا ہے۔
باسط علی نے کہا کہ حسن علی ٹیم میں واپس کیسے آگیا عرفان نیازی نے 30 اور 30آؤٹ کیے اس کا بھی نام نہیں آیا۔
مزید پڑھیں : پاکستان کا ورلڈ کپ میں سفر پہلے راؤنڈ میں ختم
سابق کرکٹر کا کہنا تھا کہ پی سی بی میں موجود اسٹیبلشمنٹ نے چیئرمین کو الٹے سیدھے مشورے دیئے جس کا نتیجہ آج ہمارے سامنے آیا۔
