پاکستان کے اسٹار بلے باز بابر اعظم نے آسٹریلوی کرکٹر عثمان خواجہ کی فاؤنڈیشن کے لیے اپنی ٹیسٹ جرسی تحفے میں دے دی ہے۔
پاکستان کرکٹ ٹیم آسٹریلیا کے دورے پر ہے۔ اس دوران پاکستانی اسٹار بلے باز بابر اعظم نے آسٹریلوی کرکٹر عثمان خواجہ کو ان کی فاؤنڈیشن کے لیے اپنی ٹیسٹ جرسی تحفے میں دی ہے۔
عثمان خواجہ برسبین کرکٹ اسٹیڈیم میں اپنی فاؤنڈیشن کے لیے عطیات جمع کر رہے تھے، تب بابر اعظم نے انہیں اپنی ٹیسٹ جرسی عطیہ کی۔ آسٹریلوی کرکٹر نے بابر اعظم کا شکریہ ادا کیا اور انہیں پاکستان کا عظیم کرکٹر قرار دیا۔
- Advertisement -
بابر اعظم نے اس موقع پر کہا کہ وہ عثمان خواجہ سے رابطے میں رہتے ہیں اور ان کی فاؤنڈیشن کی مدد کا وعدہ کیا تھا جو آج پورا کر دیا۔
ان کا کہنا تھا کہ عثمان خواجہ کی فاؤنڈیشن کیلئے کچھ کر پانا میرے لیے اعزاز کی بات ہے۔
