عید پر اس بار سابق کپتان پاکستان کرکٹ ٹیم بابر اعظم نے جس طرح کا لباس زیب تن کیا، کئی مداحوں نے اس پر نامناسب تبصرے کیے۔
قومی بیٹر بابراعظم میٹھی عید پر ہلکے سبز رنگ کا کرتا پاجاما پہننا اور سوشل میڈیا پر صارفین کی ٹرولنگ کا نشانہ بن گئے، بابر پر اس بار انکی ناقص کارکردگی کی وجہ سے نہیں بلکہ ان کے لباس کے انتخاب پر لوگوں نے تنقید کا نشانہ بنایا۔
اس عید الفطر پر سابق قومی کپتان ہلکے سبز رنگ کے کڑھائی والے کرتے اور ڈھیلے پاجامے میں نظر آئے، بعض سوشل میڈیا صارفین کے مطابق یہ خواتین کے روایتی لباس سے مشابہت رکھنے والا لباس ہے۔
اسٹار بیٹر نے عید کے دن مداحوں کے ساتھ اپنی تصاویر سوشل میڈیا پر شیئر کیں جس کے بعد صارفین نے انہیں مختلف انداز میں ٹرول کرنا شروع کیا۔
View this post on Instagram
دلچسپ بات یہ ہے کہ بابر اس جوڑے میں خوب اسٹائل دکھاتے پائے گئے لیکن سوشل میڈیا پر اس حوالے سے میمز بھی بن گئی، بہت سے لوگوں نے انھیں مذاق کا نشانہ بنایا۔
ایک شخص نے اپنے خیالات کا اظہار کیا کہ ’ایسی بھی کیا جلدی تھی بابر بھائی جو بہن کے کپڑے پہن کر آگئے‘، ایک اور صارف نے لکھا کہ ’بابر بھائی پرفارمنس کے ساتھ ساتھ فیشن سینس بھی خراب ہوگیا آپ کا تو‘۔
ایک مداح نے لکھا کہ ’بوبی بھائی کم بیک تو ہوجائیگا لیکن یہ عورتوں والے کپڑے نہیں پہنا کریں۔‘ ایک صارف نے کپڑوں کے بجائے بابر اعظم کے جوتوں پر کمنٹ کیا کہ ’کرتے کے ساتھ جوتے کون پہنتا ہے؟‘
بیٹر کے ایک مداح کا خیال لوگوں کے برعکس تھا، اس نے لکھا کہ ’عید کا دن خوشی اور محبت کا دن ہے، اور ہر شخص کو اپنے لباس اور اس کی پسند میں آزادی ہونی چاہیے‘، اس کے علاوہ بھی لوگوں نے ان کی تصوریروں پر دلچسپ کمنٹس کیے۔
