پاکستان کرکٹ بورڈ نے چیمپئنز کپ کے فائنل اسکواڈ کا اعلان کر دیا بابر اعظم کو کسی بھی ٹیم کی قیادت نہیں دی گئی ہے۔
پاکستان کرکٹ بورڈ نے رواں ماہ سے فیصل آباد میں کھیلے جانے والے چیمپئنز ون ڈے کپ کے فائنل اسکواڈز اور پانچوں ٹیموں کے کپتانوں کے ناموں کا اعلان کر دیا ہے۔ پاکستان وائٹ بال ٹیم کے کپتان بابر اعظم کو کسی ٹیم کی قیادت نہیں دی گئی ہے۔
پی سی بی کے اعلان کردہ اسکواڈ کے مطابق سعود شکیل کو ڈولفنز کی قیادت دی گئی ہے۔ انہیں سرفراز احمد، فہیم اشرف، میر حمزہ، محمد ہریرہ، صاحبزادہ فرحان، عمر امین، عثمان قادر، محمد عباس آفریدی ودیگر کا ساتھ حاصل ہوگا۔
View this post on Instagram
شاہین شاہ آفریدی لائنز کی کپتانی کریں گے۔ ان کی ٹیم میں عبداللہ شفیق، عامر جمال، عامر یامین، امام الحق ودیگر شامل ہیں۔
View this post on Instagram
پینتھر کے کپتان آل راؤنڈر شاداب خان ہوں گے۔ انہیں عرفات منہاس، محمد حسنین، صائم ایوب، اسامہ میر، عثمان خان کی خدمات حاصل ہوں گی۔
View this post on Instagram
وولوز کی قیادت کا سہرا قومی ٹیم کے وکٹ کیپر بیٹر محمد رضوان کے سر سجا ہے۔ ان کی ٹیم فخر زامن، افتخار احمد، نسیم شاہ، سلمان علی آغا جیسے انٹرنیشنل کرکٹ سے سجی ہے
View this post on Instagram
بابر اعظم اسٹالینز کا حصہ ہیں تاہم وہ نوجوان بیٹر محمد حارث کی زیر قیادت کھیلیں گے۔ اس ٹیم میں قومی ٹیسٹ ٹیم کے کپتان شان مسعود، ابرار احمد، اعظم خان، حارث رؤف، محمد علی، زمان خان اپنی صلاحیتوں کا مظاہرہ کریں گے۔
View this post on Instagram
ابتدائی اعلان کردہ اسکواڈ 19 رکنی ہے۔ 10 ستمبر تک حتمی 15 رکنی اسکواڈ کا اعلان کیا جائے گا۔
چیمپئنز ون ڈے کپ شیڈول کے مطابق ٹورنامنٹ 12 سے 29 ستمبر تک اقبال اسٹیڈیم فیصل آباد میں کھیلا جائے گا اور افتتاحی میچ پینتھرز اور وولوز کے درمیان کھیلا جائے گا۔
پچاس اوورز کا یہ ٹورنامنٹ سنگل لیگ کی بنیاد پر کھیلا جائے گا۔
سولہ ستمبر کا میچ صبح ساڑھے نو بجے شروع ہوگا جبکہ بقیہ تمام میچز 3 بجے شروع ہوں گے۔ لائنز اینڈ پینتھرز کا میچ اس لیے صبح ہوگا تاکہ ویمنز ٹی ٹوئنٹی ورلڈ کپ میں پاکستان ویمنز اور جنوبی افریقہ ویمنز کے میچ کو براہ راست نشر کرنے کا موقع مل سکے۔
واضح رہے کہ پی سی بی پانچ چیمپئن مینٹورز کا اعلان کرچکا ہے جن میں وقایونس، مصباح الحق، ثقلین مشتاق، شعیب ملک اور سرفراز احمد شامل ہیں۔ چار دنوں میں تین پلے آف ہوں گے جبکہ فائنل اتوار 29 ستمبر کو کھیلا جائے گا۔
