قومی کرکٹ ٹیم کے کپتان بابراعظم کے اقدام نے امریکا میں موجود پاکستانیوں کے دل جیت لئے۔
اے آر وائی نیوز کے مطابق کپتان بابر اعظم امریکی یونیورسٹی میں بزنس آف انٹرٹینمنٹ، میڈیا اور اسپورٹس کے پروگرام کا حصہ بن چکے ہیں۔
آج ہارورڈ یونیورسٹی کے پروگرام میں کپتان بابر اعظم نے قومی زبان سے عملی محبت کا ثبوت د یتے ہوئے اردو میں خطاب کیا۔
بابراعظم نے کہا کہ اس پروگرام کے لیے بہت پُرجوش ہوں،ہم عمر میں اپنے چھوٹے اور بڑے دونوں سے سیکھتے ہیں کیونکہ سیکھنے کا عمل کبھی ختم نہیں ہوتا۔
انہوں نے نوجوانوں کو مشورہ دیا کہ خود پر یقین رکھیں اور سیدھے راستے پر چلیں کیونکہ ہم آج کل کسی اور طرف جاتے جا رہے ہیں، بڑے لوگوں کے دیئے مشوروں پر سوچنا اور سمجھنا چاہیے۔
اس پروگرام میں قومی ٹیم کے وکٹ کیپر بیٹر محمد رضوان بھی کپتان کے ہمراہ ہیں، رضوان نے کہا کہ ایسے باوقارعالمی اسٹیج پر پاکستان کی نمائندگی کرنا ایک بہت بڑا اعزاز ہے، مجھے یقین ہےکہ یہ ایک دلچسپ سفر ہوگا، میں کرکٹ کی دنیا کے اگلے سپر اسٹارز کے ساتھ اپنے تجربات شیئر کرنےکا منتظر ہوں۔
