The news is by your side.

’بچوں کو لوری نہیں سنا رہے‘ بابر اعظم کی ویڈیو وائرل

قومی ٹیم کے کپتان بابر اعظم نے بھارت کے خلاف میچ میں بارش کے سوال پر صحافی کو دلچسپ جواب دے دیا۔

آئی سی سی ٹی 20 ورلڈ کپ میں کل میلبرن میں کھیلے جانے والے میچ سے قبل میڈیا سے گفتگو کرتے ہوئے کہا کہ موسم ہمارے ہاتھ میں نہیں ہے اگر میچ ہوا تو اس کے لیے ہم نے بھرپور تیاری کررکھی ہے۔

بابر اعظم سے اے آر وائی نیوز کے صحافی شاہد ہاشمی نے سوال کیا کہ ’بارش کا خدشہ ہے تو کیا کھلاڑی ’رین رین گو اوے‘ گا رہے ہیں۔

کپتان نے مسکراتے ہوئے دلچسپ جواب دیا کہ ’نہیں سر ہم بچوں کو لوری نہیں سنا رہے ہیں۔

انہوں نے کہا کہ قومی ٹیم کے تمام پلئیرز مکمل فٹ ہیں اور میچ کے دوران 100 فیصد پرفارمنس دینے کی کوشش کریں گے، بھارت کے خلاف پلیئنگ الیون ذہن میں ہے تاہم پچ دیکھ کر حتمی فیصلہ کریں گے۔

بابراعظم نے کہا کہ آف دی فیلڈ تمام پلئیرز کے ساتھ اچھے تعلقات ہیں، بطور اسپورٹ مین یہی ذمہ داری ہے کہ سب سے اچھے طریقے سے ملیں، انہوں نے کہا کہ ٹی20 فارمیٹ میں تمام ٹیمیں خطرناک ہوسکتی ہیں کسی ٹیم کو کمزور نہیں سمجھتے۔

واضح رہے کہ کل پاکستان اور بھارت کی ٹیمیں ورلڈ کپ کے اپنے پہلے میچ میں مدمقابل آئیں گی میچ پاکستانی وقت کے مطابق دوپہر ایک بجے شروع ہوگا تاہم میچ  بارش  سے متاثر ہونے کا امکان ہے۔

Comments

یہ بھی پڑھیں