The news is by your side.

Advertisement

ایم کیو ایم کے سینئر رہنما کا کئی برس بعد وطن واپسی کا فیصلہ

کراچی: متحدہ قومی موومنٹ کے سینئر رہنما بابر غوری نے 2  مقدمات میں سندھ ہائیکورٹ سے حفاظتی ضمانت حاصل کرلی ہے۔

تفصیلات کے مطابق سابق وفاقی وزیر  پورٹ اینڈ شپنگ اور ایم کیو ایم کے سینئر رہنما بابر غوری نے وطن واپسی کا فیصلہ کیا ہے اور اس سلسلے میں انہوں نے سندھ ہائیکورٹ سے رجوع کرلیا ہے۔

بابر غوری کے وکیل نے کہا کہ ان کے موکل پر جو بھی الزامات ہیں اور انکوائریاں ہیں وہ ملک واپس آکر مقدمات سامنا کرنے کیلئے تیار ہیں، انہیں حفاظتی ضمانت دی جائے۔

عدالت عالیہ نے بابر غوری کی 2 ہفتےکیلئے حفاظتی ضمانت منظور کرلی ہے، عدالت نے بابر غوری کو ایک ایک لاکھ روپے کے 2 مچلکے جمع کرانےکا حکم دیتے ہوئے انہیں 14 دن میں متعلقہ عدالت سے رجوع کرنےکی ہدایت کی ہے۔

خیال رہےکہ بابر غوری گزشتہ کئی برسوں سے امریکا میں مقیم ہیں، سابق وزیر کے خلاف ایف آئی اے نے بھی منی لانڈرنگ کا کیس درج کر رکھا ہے۔

Comments

یہ بھی پڑھیں