مایہ ناز فاسٹ بولر حارث رؤف نے گزشتہ دو سالوں میں اپنی بہتر کارکردگی کا سہرا پاکستان کے کپتان بابر اعظم کو دیا ہے۔
اخبار سے گفتگو کرتے ہوئے دائیں ہاتھ کے فاسٹ بولر نے کہا کہ بنیادی طور پر بابراعظم کی کارکردگی کی تعریف کرنی چاہیے۔
رؤف نے کہا کہ مجھے پختہ یقین ہے کہ میری کارکردگی میں بہتری بابر اعظم کی وجہ سے ہے ہم نے گزشتہ دو سالوں میں واقعی اچھی اور دلچسپ کرکٹ کھیلی ہے۔
انہوں نے مزید کہا کہ اس عرصے میں ہم ایک اچھی اکائی کے طور پر ابھرے ہیں خاص طور پر وائٹ بال کرکٹ میں اور اس کا سہرا ہمارے کپتان بابر اعظم کو جاتا ہے جنہوں نے کھلاڑیوں کی صلاحیتوں پر بھروسہ کیا جس نے بالآخر ہمیں اعتماد دیا۔
گزشتہ ہفتے مختلف کھلاڑی قومی ٹیم کے کپتان کی حمایت میں سامنے آئے۔ شان مسعود نے حال ہی میں کہا تھا کہ وہ بابر اعظم کے لیے اپنی جان قربان کرنے کو تیار ہیں جب کہ افتخار احمد نے بابر پر تنقید کو گناہ کے مترادف قرار دیا۔
