قومی ٹیم کے اوپنر احمد شہزاد نے ٹی 20 ورلڈ کپ سے باہر ہونے کا ذمہ دار کپتان بابر اعظم اور محمد رضوان کو قرار دے یا۔
نجی ٹی وی چینل سے گفتگو کرتے ہوئے قومی ٹیم کے اوپنر احمد شہزاد نے کہا کہ بابر اعظم کو دوبارہ ٹیم کا کپتان بنا کر سب سے بڑی غلطی کی گئی ہر میچ میں شکست کے بعد وہی بیان کہ ہم سیکھ رہے ہیں، یہ کرکٹرز انٹرنیشنل لیول پر کھیلنے کے قابل ہی نہیں۔
انہوں نے کہا کہ بابر اور رضوان اپنے ذاتی ریکارڈز بنانے میں مصروف تھے انہوں نے ٹیم کو تباہ کردیا ہے۔
اس سے قبل بھی احمد شہزاد نے بابراعظم پر تنقید کرتے ہوئے کہا تھا کہ انہوں نے اپنی کپتانی میں ڈومیسٹک پلئیرز کو نہیں کھلایا بلکہ دوستوں کو ٹیم میں شامل کیا، جو بیٹر تھا پرفارم نہیں کیا تو بالر بنادیا جب بھی نہ کیا تو فیلڈر بناکر پلئینگ الیون کا حصہ بنایا۔
ورلڈکپ میں بابراعظم کے اعداد و شمار میرے سے بھی گھٹیا ہیں لیکن آپ کنگ ہیں جعلی کنگ! پاکستان کو آئی سی سی ایونٹس جتوانے کیلئے کھیلتے ہیں نہ کہ ریکارڈز بنانے کیلئے، انہوں نے سوشل میڈیا پر لوگوں کو پاگل بنایا کیا کچھ نہیں۔
واضح رہے کہ قومی ٹیم گزشتہ روز امریکا اور آٗئرلینڈ کا میچ بارش کی وجہ سے منسوخ ہونے کے بعد ورلڈ کپ سے باہر ہوگئی ہے۔
