رنز کی مشین قومی ٹیم کے کپتان بابراعظم کی سنچری اننگز نے کئی ریکارڈز پاش پاش کر دیے۔
آئی سی سی ٹی ٹوئنٹی رینکنگ میں نمبر ون پوزیشن حاصل کرتے ہی بابراعظم نے ٹی ٹوئنٹی کیریئر کی پہلی سنچری جڑی۔
جنوبی افریقا کے خلاف سنچورین میں کھیلے گئے سیریز کے تیسرے میچ میں پاکستان نے جنوبی افریقہ کی جانب سے دیا جانے والا 204 رنز کا ہدف 18 اوورز میں ایک وکٹ کے نقصان پر حاصل کرلیا، بابر اعظم نے 122 رنز کی جارحانہ اننگز کھیلی۔
پاکستان نے اپنی ٹی ٹوینٹی تاریخ کا سب سے بڑا ہدف حاصل کیا، بابر اعظم کی اننگز میں 4 چھکے 15 چوکے شامل تھے، محمد رضوان نے بابر کا خوب ساتھ دیا اور 73 رنز بنا کر ناٹ آؤٹ رہے۔
Babar Azam becomes only the third Pakistan batsman to slam a T20I hundred 🔥
It is also the fastest ton in the format by a 🇵🇰 player!#SAvPAK ➡️ https://t.co/rihG1VCmdO pic.twitter.com/hxIyUrFPmm
— ICC (@ICC) April 14, 2021
میچ میں بابر اعظم اور محمد رضوان نے 197 رنز کی شراکت قائم کی، دونوں بیٹسمینوں نے احمد شہزاد اور محمد حفیظ کا 143 رنز کا ریکارڈ توڑدیا۔
بابراعظم نے ہدف کے تعاقب میں بطور کپتان سب سے زیادہ انفرادی رنز بنانے کا اعزاز بھی اپنے نام کیا ہے۔
قومی کپتان نے پاکستان کی جانب سے تیز ترین ٹی ٹوئنٹی سنچری بنان کا ریکارڈ بھی اپنے نام کیا ہے جب کہ وہ تیسرے پاکستانی ہیں جنہوں نے سنچری بنائی۔ اس سے قبل احمدشہزاد اور محمد رضوان مختصر فارمیٹ میں سنچری بنا چکے ہیں۔
