لاہور : ماضی کی مقبول ہیروئن بابرہ شریف نے لاہورچڑیاگھر سے ایک عد شیر کا بچہ گود لے لیا، تفصیلات کے مطابق بابرہ شریف نے لاہورکے چڑیاگھرکی سیرکی۔
اس موقع پر سیرکے دوران ان کا دل ننھے منےشیر کے بچے پرآگیا،فوری طور پر بابرہ شریف نے شیرکے بچے کوگودلینے کا فیصلہ کرلیا۔ اداکارہ بابرہ نے شیر کے بچے کے ایک سال کے اخراجات کے لئے دولاکھ روپے کی ادائیگی بھی کردی۔
بابراشریف شیرکا بچہ گود لینے پربے انتہا خوش نظر آئیں اوراس کے ساتھ خُوب تصویریں بھی بنوائیں۔
اس سے پہلے اداکارہ ریما خان اورڈرامہ کوئین میرانے بھی جانوروں سے محبت کا ثبوت دیتے ہوئے ہرن کے بچے گودلئے تھے۔۔ تاہم دونوں اداکاراؤں نے بعد میں پلٹ کر ان کی خبر تک نہ لی۔۔ دیکھتے ہیں اداکارہ بابرہشریف اپنے وعدے وفاکرتی ہیں یا دونوں اداکاراؤں کی طرح فراموش کردیتی ہیں۔
