بھارتی فلم انڈسٹری کی معروف اداکارہ نے فلمساز بابوراج پر جنسی زیادتی کا الزام لگاتے ہوئے انصاف کی فراہمی کا مطالبہ کردیا۔
بین الاقوامی خبر رساں ادارے کی رپورٹ کے مطابق اداکارہ نے فلمساز کی طرف سے زیادتی کا نشانہ بنائے جانے کی شکایت ایک سال بعد کیرالہ کے ضلع ایرنا کولم میں درج کروائی ہے۔
بھارتی میڈیا کو اداکارہ نے نام ظاہر نہ کرنے کی شرط پر بتایا کہ مجھے ہدایت کار نے ایرنا کولم ضلع میں واقع اپنے گھر پر یہ کہہ کر بلوایا کہ اسکرین رائٹر اور ڈائٹریکٹر مجھ سے مل کر فلم میں میرے کردار سے متعلق گفتگو کرنا چاہ رہے ہیں۔
سینئر اداکار کی بات پر یقین کرکے میں ان کی بتائی ہوئی جگہ پر پہنچ گئی، انہوں نے مجھے ایک کمرے میں آرام کرنے کا کہا، جسے میں نے اندر سے لاک کرلیا۔
اداکارہ نے انکشاف کیا کہ جب میں نے دروازہ کھولا تو وہ زبردستی کمرے میں داخل ہوگئے اور دوبارہ دروازہ لاک کرکے میرے ساتھ زبانی بدسلوکی اور عصمت دری کا نشانہ بنایا۔
ہدایت کار جو ملیالم فلم انڈسٹری کے جوائنٹ سیکریٹری بھی ہیں، نے اداکارہ کے الزامات کی تردید کی اور کہا کہ وہ خود پر لگائے گئے الزامات پر قانونی چارہ جوئی کریں گے۔
اُن کا کہنا تھا کہ اس قسم کے الزام کا مقصد یہ ہے کہ میں انڈسٹری میں جنرل سکریٹری کا عہدہ نہ لے سکوں، کیونکہ اسی نوعیت کے الزامات پر سابق جنرل سیکریٹری عہدے سے مستعفی ہوگئے تھے۔
کنگا رناوت نے اپنی پارٹی بی جے پی کی ناک میں دم کردیا
واضح رہے کہ ملیالم فلم انڈسٹری میں جنسی استحصال سے متعلق شکایت میں اضافہ ہوگیا ہے، گزشتہ دنوں جسٹس ہیما کمیٹی کی رپورٹ سامنے آئی تھی، جس میں چونکا دینے والی کہانیاں درج ہیں۔