اے آر وائی ڈیجیٹل کے ڈرامہ سیریل ’بے بی باجی‘ میں واصف کی شادی کا سن کر رامین نے خودکشی کی کوشش کی ہے۔
ڈرامہ سیریل ’بے بی باجی‘ میں سینئر اداکارہ ثمینہ احمد (بے بی باجی)، سعود قاسمی (جمال)، جویریہ سعود (عذرا)، حسن احمد (نصیر)، سنیتا مارشل (اسما)، جنید جمشید نیازی (واصف)، سیدہ طوبیٰ انور (فرحت)، فضل حسین (ولید)، عینا آصف (سمن)، فائزہ خان (رامین) ودیگر اداکاری کے جوہر دکھا رہے ہیں۔
ڈرامے کی کہانی منصور احمد خان نے لکھی ہے جبکہ اس کی ہدایت کاری کے فرائض تحسین خان نے انجام دیے ہیں۔
گزشتہ قسط میں دکھایا گیا تھا کہ واصف اور فرحت کی شادی کی تیاریاں زور و شور سے جاری ہیں اور گھر میں خوب ہلہ گلہ ہورہا ہے۔
جب واصف کی دوست رامین کو پتا چلتا ہے کہ واصف کی شادی ہورہی ہے تو وہ خودکشی کی کوشش کرتی ہیں۔
25ویں قسط کے پرومو میں دکھایا گیا ہے کہ پولیس واصف کے گھر پہنچتی ہیں اور اہلکار کہتے ہیں کہ وہاں لڑکی نے آپ کے پیچھے خودکشی کرلی اور آپ یہاں دلہا بنے گھوم رہے ہیں۔‘
’رامین کے والد پولیس اہلکاروں کو فون کرکے کہتے ہیں کہ ’دو دن اس کو حراست میں رکھیں تاکہ اس کے دماغ ٹھکانے میں آئیں۔‘
عذرا کہتی ہیں کہ ’واصف کی شادی کا سن کر کسی لڑکی نے خودکشی کرلی ہے، اسما کہتی ہیں کہ ’واصف ایسا نہیں ہے کہ لڑکیوں سے چکر چلائے بس دعا کرو وہ خیریت سے واپس آجائے۔‘
کیا ڈاکٹرز رامین کی جان بچانے میں کامیاب ہوجائیں گے؟ کیا واصف اور فرحت کی شادی ہوسکے گی؟ یہ جاننے کے لیے بے بی باجی کی اگلی قسط دیکھیں۔
