اے آر وائی ڈیجیٹل کے بلاک بسٹر ڈرامہ سیریل ’بے بی باجی‘ کے سیزن 2 کا انتظار کرنے والے مداحوں کے لیے خوشخبری آگئی۔
فوٹو اور ویڈیو شیئرنگ ایپ انسٹاگرام پر اے آر وائی ڈیجیٹل کی جانب سے ’بے بی باجی‘ کے سیزن ٹو کے کرداروں طوبیٰ انور، سنیتا مارشل، جنید جمشید نیازی اور حسن احمد کی ویڈیو شیئر کی گئی اور بتایا گیا کہ سیزن ٹو جلد نشر کیا جائے گا۔
ویڈیو میں طوبیٰ انور (فرحت) کہتی ہیں کہ تمہیں میرا بالکل خیال نہیں ہے، واصف کہتے ہیں کہ تمہیں کیا لگتا ہے ہمارا رشتہ اتنا کمزور ہے۔‘
View this post on Instagram
اداکار جوڑی یہ کہتی ہے کہ ڈائریکٹر سین کٹ کرتے ہوئے کہتے ہیں کہ یار وہ واصف اور فرحت والی کیمسٹری نہیں آرہی ہے۔
طوبیٰ کہتی ہیں کہ سر وہ یہاں نہیں ملے گی اس کے لیے آپ کو سیزن ٹو کا انتظار کرنا پڑے گا، حوصلہ رکھیں جلد آئے گا بے بی باجی بس چند دن اور انتظار کریں۔
View this post on Instagram
سوشل میڈیا صارفین بھی بے بی باجی کے سیزن ٹو کو دیکھنے کے لیے پرجوش ہیں اور ڈرامے میں منفی کردار نبھانے والی جویریہ سعود (عذرا) کو یاد کررہے ہیں۔
واضح رہے کہ بے بی باجی میں ثمینہ احمد، سعود، جویریہ سعود، عینا آصف، سنیتا مارشل، حسن احمد، طوبیٰ انور جنید جمشید نیازی ودیگر نے اداکاری کے جوہر دکھائے تھے۔