کراچی کے پوش علاقے ڈیفنس سے بچی کو مبینہ طور پر اغوا کر لیا گیا۔
تفصیلات کے مطابق ڈیفنس کے علاقے فیز فائیو سے 6 سالہ بچی مبینہ طور پر اغوا ہو گئی۔ پولیس نےگھر کے مالک عمران کی مدعیت میں اغوا کا مقدمہ ڈیفنس تھانے میں درج کر لیا۔
پولیس کو گھر کے باہر کی سی ٹی وی فوٹیج مل گئی ہے۔ بچی گزشتہ روز گھر سےکچرا پھینکنےگئی تھی واپس نہیں آئی۔
پولیس کا کہنا ہے کہ بچی ڈیفنس میں فلیٹ میں کام کرتی تھی اور اطراف کی سی سی ٹی وی فوٹیج حاصل کر رہے ہیں۔
پولیس نے اہل علاقہ سے معاملے کے حوالے سے پوچھ گچھ کی ہے جب کہ معاملے کی مزید تفتیش شروع کر دی ہے۔
