The news is by your side.

Advertisement

کنوئیں سے چار دن بعد زندہ نکالی جانے والی بچی دوران علاج دم توڑ گئی

مانسہرہ : کنوئیں سے چار دن بعد زندہ نکالی جانے والی بچی دوران علاج دم توڑ گئی، دو سالہ جنت بی بی 4روز قبل علاقہ دربان سے لاپتہ ہوئی تھی۔

تفصییلات کے مطابق مانسہرہ کے علاقے دربند کی رہائشی دو سالہ جنت بی بی چار دن سے لاپتا تھی، بچی کو بہت تلاش کیا گیا لیکن وہ نہیں ملی، بعد ازاں ایک کنوئیں سے آوازیں سن کر بچی کو آج صبح زندہ نکالا گیا تھا۔

بچی کو ابتدائی طبی امداد کے لیے اسپتال منتقل کیا گیا تھا، اس حوالے سے اسپتال ذرائع کا کہنا ہے کہ زندہ نکالے جانے کے بعد بچی کچھ دیر بعد اسپتال میں دوران علاج دم توڑ گئی۔

یاد رہے کہ دربند میں دو سال کی لا پتا بچی چار دن بعد کنوئیں سے زندہ ملی تھی، کنوئیں سے بچی کے رونے کی آوازیں آنے پر پولیس کو اطلاع دی گئی تھی جس پر دربند پولیس نے اہل علاقہ کی مدد سے بچی کو کنوئیں سے نکال لیا۔

مزید پڑھیں: جسے اللہ رکھے، 2 سالہ بچی 4 دن بعد کنوئیں سے زندہ مل گئی

مقامی لوگوں کا کہنا ہے کہ بچی معجزاتی طور پر چار دن کنوئیں میں زندہ رہی، دو سالہ معصوم بچی نے نوّے سے زائد گھنٹے اندھیرے کنوئیں میں بغیر کچھ کھائے پیے بھوک اور پیاس میں گزارے لیکن اللہ نے اسے زندہ رکھنا تھا، سو، اسے زندہ نکال لیا گیا۔

Comments

comments

یہ بھی پڑھیں