کمر کا درد ہر شہری کا عام مسئلہ بن چکا ہے اور اب چھوٹا ہو یا بڑا کسی بھی عمر کا ہو ہر کوئی کمر میں درد کی شکایت کرتا نظرآتا ہے لیکن اب اس درد کیلئے کسی دوا کی ضرورت نہیں۔
کمر کے درد کی کئی وجوہات ہوسکتی ہیں جن میں کمر کے پٹھوں کی کمزوری بھی شامل ہے، یہ درد اکثر عمر کے ساتھ ہڈیوں کے کمزور ہونے کی وجہ سے بھی ہوتا ہے۔
طبی ماہرین کے مطابق جو لوگ بھاری وزن اٹھاتے ہیں اور عجیب و غریب پوزیشن پر بیٹھتے ہیں ان میں کمر درد کی شکایت زیادہ ہوتی ہے۔ آپ درج ذیل تجاویز میں سے کسی ایک پر عمل کر کے درد کو دور کر سکتے ہیں ۔
دودھ، ہلدی اور شہد :
دودھ میں ہلدی اور شہد ملا کر روزانہ پینا کمر کے درد سے نجات کے لیے بہترین آپشن ہے۔ یہ مشروب جسم اور جوڑوں کے دیگر دردوں کا بھی علاج کر سکتا ہے۔
لہسن کا استعمال :
جن لوگوں کو کمر درد کی شکایت زیادہ ہوتی ہے وہ روزانہ صبح خالی پیٹ لہسن کے دو سے تین جوے کھائیں۔ یہ لوگ لہسن کے تیل کی مدد سے اپنی کمر کی مالش سے بھی فائدہ اٹھا سکتے ہیں۔
باقاعدہ ورزش :
کمر کے درد سے نجات کے لیے اپنی بیٹھنے کی پوزیشن کو درست کرنا ضروری ہے۔ روزانہ کی بنیاد پر اسٹریچنگ ایکسر سائز کمر کے درد کے لیے بھی اچھی طرح کام کر سکتی ہیں۔
