لندن: برطانیہ میں کروناوائرس کے تیسرے کیس کی تصدیق ہوگئی، مریضوں کا خصوصی علاج جاری ہے۔
اے آر وائی نیوز کے مطابق برطانیہ میں کروناوائرس کے تینوں مریضوں کا خصوصی طور پر علاج کیا جارہا ہے، یہ برطانیہ میں اپنی نوعیت کا تیسرا کیس ہے۔
تیسرے مریض کی تشخیص شہر برائٹن میں ہوئی جبکہ علاج کے لیے لندن منتقل کردیا گیا۔
مہلک وائرس سے متاثرہ 2 افراد کا علاج یارکشائر کے علاقے نیوکاسل میں جاری ہے۔ کروناوائرس کے باعث برٹش چینی شہریوں کو تعصب کا سامنا ہے، نیوکاسل میں چینی نژاد برطانوی شہریوں کو نفرت آمیزرویوں کا سامنا کرنا پڑا۔
عوامی مقامات اور پبلک ٹرانسپورٹ پر تعصب کے متعدد واقعات پیش آئے۔ برطانوی شہریوں نے شدید غم وغصے کا اظہار کرتے ہوئے کہا ہے کہ یہاں موجود چینی شہریوں سے ہم بھی وائرس منتقل ہورہا ہے۔
کروناوائرس: نرسوں کے چہرے کیوں بگڑے؟
واضح رہے کہ چین کے شہر ووہان میں کرونا وائرس کے مریضوں کی تعداد میں اضافہ ہورہا ہے، اب تک جان لیوا وائرس سے 563 افراد موت کے گھاٹ اتر چکے ہیں، پورے چین میں 28 ہزار افراد اس وائرس سے متاثر ہوچکے ہیں۔
کرونا وائرس کے مریضوں کے لیے متحدہ عرب امارات کا بڑا اعلان
چین سے باہر کرونا سے متاثرہ افراد کی تعداد 194 ہوچکی ہے، تاہم ان میں ہلاکتوں کی تعداد صرف 2 ہے۔
کرونا وائرس نے پوری دنیا میں دہشت پھیلا رکھی ہے۔ ادھر اماراتی وزارت صحت کی جانب سے متحدہ عرب امارات کے تمام اسپتالوں میں کروناوائرس کے متاثرین کا مفت علاج کا اعلان کردیا گیا ہے، اس سلسلے میں دُبئی ہیلتھ اتھارٹی نے تمام اسپتالوں کو ایک سرکلر بھی جاری کر دیا۔
