ماہرین کا کہنا ہے کہ ہر کھانے کے بعد میٹھا کھانا جسمانی صحت اور موڈ پر مفید اثرات مرتب کرتا ہے تاہم اس کی مقدار معتدل ہو۔

اسی لیے آج ہم آپ کو بادام کا مزیدار حلوہ بنانے کی ترکیب بتارہے ہیں۔

اجزا

بادام کا پیسٹ: 1 کپ

گھی: 1 کپ

سوجی: 250 گرام

دودھ: 2 کپ

چینی: آدھا کپ

کھویا: 250 گرام

آلمنڈ ایسنس: 1 چائے کا چمچ

بادام: سجاوٹ کے لیے

ترکیب

گھی کو گرم کر کے اس میں سوجی ڈال کر بھون لیں یہاں تک کہ خوشبو آنے لگ جائے۔

پھر دودھ، چینی اور بادام کا پیسٹ ڈال کر مکس کرلیں اور فرائی کرلیں۔

اب کھویا اور آلمنڈ ایسنس ڈال کر اچھی طرح مکس کریں یہاں تک کہ گھی اوپر آجائے۔

سرونگ پلیٹر میں نکال کر بادام سے سجا کر پیش کریں۔