بالی ووڈ ریپر بادشاہ نے اننت اور رادھیکا کی ستاروں سے سجی شادی کی سنگیت تقریب میں پرفارم کرنے کے کروڑوں روپے قیمت وصول کی۔
ممبئی میں اننت امبانی اور رادھیکا مرچنٹ کی سنگیت کی تقریب میں کئی یادگار پرفارمنس دیکھنے میں آئیں، گلوکار بادشاہ نے بھی اپنی پرفارمنس سے میوزیکل ایوننگ میں پنجابی تڑکے کا اضافہ کیا لیکن کیا آپ جانتے ہیں کہ اس شاندار تقریب میں پرفارم کرنے کے لیے انھیں کتنا معاوضہ دیا گیا؟
سنگیت کی تقریب جمعہ کو ممبئی میں منعقد ہوئی، جہاں بادشاہ نے گلوکار کرن اوجلا کے ساتھ پرفارم کیا، بھارتی میڈیا رپورٹس کے مطابق بادشاہ نے اننت کی شادی میں پرفارم کرنے کے لیے 4 کروڑ بھارتی روپے معاوضہ وصول کیا۔
اس سے قبل تعدد رپورٹس میں دعویٰ کیا گیا تھا کہ ہالی ووڈ گلوکار جسٹن بیبر کو سنگیت کی تقریب میں ان کی پرفارمنس کے لیے 10 ملین ڈالرز ادا کیے گئے۔
اننت امبانی کی شادی کی سنگیت کی تقریب میں عالمی شہرت یافتہ کینیڈین پاپ اسٹار جسٹن بیبر نے بھی شاندار پرفارمنس کا مظاہرہ کیا تھا جس کی ویڈیو سوشل میڈیا پر وائرل ہوگئی تھی۔
گزشتہ روز ممبئی میں بھارت کے ارب پتی تاجر مکیش امبانی کے چھوٹے بیٹے اننت امبانی اور اُن کی منگیتر رادھیکا مرچنٹ کے سنگیت کی تقریب منعقد کی گئی تھی۔
کینیڈین پاپ اسٹار گلوکار جسٹن بیبر نے اننت اور رادھیکا کی سنگیت کی تقریب میں پرفارمنس کا جادو جگایا تھا، انھوں نے اپنے مشہور گانوں ’لو یور سیلف‘ اور ’بیبی‘ پر پرفارم کیا تھا۔
پرتگالی پورٹل کی ایک رپورٹ کے مطابق جسٹن بیبر کو امبانی خاندان کی شادی میں پرفارمنس کے لیے 10 ملین ڈالرز کے قریب رقم ادا کی جائیگی۔
اس سے قبل انڈیا ٹوڈے نے رپورٹ میں کہا تھا کہ گلوکارہ اڈیل، کینیڈین ریپر ڈریک اور امریکی گلوکارہ لانا ڈیل رے امبانبیوں سے رابطے میں ہیں اور ممکنہ طور پر یہ تمام فنکار 12 جولائی سے 14 جولائی تک ہونے والی اس شادی کے سلسلے میں بھارت آسکتے ہیں۔
