The news is by your side.

Advertisement

سی سی پی او لاہور کے حکم پر گرفتار ایس ایچ او کی ضمانت منظور

لاہور: مقامی عدالت نے سی سی پی او لاہور عمر شیخ کے حکم پر گرفتار ایس ایچ او سمیت پولیس اہل کاروں  کی ضمانت منظور کر لی۔

تفصیلات کے مطابق جوڈیشل مجسٹریٹ شیخ حبیب اللہ نے ایس ایچ او اور دیگر پولیس اہل کاروں کی ضمانت کی درخواستوں پر سماعت کی۔

سابق ایس ایچ او گجر پورہ رضا جعفری، محمد عمران، شہزاد امجد اور علی عمران کی جانب سے درخواستوں میں مؤقف اختیار کیا گیا تھا کہ سی سی پی او نے ان کے ساتھ ہتک آمیز رویہ اپنایا اور خلاف قانون حوالات بند کرنے کا حکم دیا۔

درخواستوں میں کہا گیا تھا کہ سی سی پی او نے انھیں جسمانی ٹارچر کا حکم دیا تھا لیکن اسٹاف نے انھیں روکا، سی سی پی او نے ان کے خلاف بوگس مقدمہ درج کروا کر ان کے ساتھ زیادتی کی ہے۔

انسانی حقوق کمیٹی نے سی سی پی او لاہور کے سمن جاری کر دیے

درخواست گزاروں نے استدعا کی کہ ان کے خلاف لگائے گئے الزامات غلط ہیں، اس لیے ان کی ضمانت منظور کی جاٸے۔

ایس ایچ او کے وکیل نے کہا کہ ایس ایچ او رضا جعفری نے آٸی جی پنجاب کو سی سی پی او کے خلاف مقدمہ درج کرنے کی درخواست بھی دی لیکن اس کو واپس کر دیا گیا۔

دلائل کے بعد عدالت نے گرفتار ایس ایچ او سمیت دیگر پولیس اہل کاروں کی ضمانت منظور کر لی۔ واضح رہے کہ ملزم ایس ایچ او پر قتل کے مقدمے میں رد و بدل پر سی سی پی او کے حکم پر ایف آٸی آر درج کی گٸی ہے۔

Comments

یہ بھی پڑھیں