شاور: باجوڑ دھماکے کا مقدمہ درج کرلیا گیا، جس میں بتایا کہ دھماکا سٹرک کنارے کھڑی موٹرسائیکل میں نصب بارودی مواد سے ہوا۔
تفصیلات کے مطابق پشاور میں باجوڑ دھماکے کا مقدمہ تھانہ سی ٹی ڈی میں درج کرلیا گیا ہے، مقدمے میں دہشت گری دفعات شامل کی گئیں ہیں۔
مقدمے کے متن میں کہا گیا ہے کہ اے سی ٹیم کے ہمراہ تجاوزات کے خلاف آپریشن کررہے تھے کہ اطلاع موصول ہوئی کہ کہ اے سی اور دیگر پر حملہ ہوا۔
متن میں کہنا تھا کہ باجوڑحملے میں اسسٹنٹ کمشنرسمیت 4 افراد شہید ہوئے، دھماکا سٹرک کنارے کھڑی موٹرسائیکل میں نصب بارودی مواد سے ہوا۔
گذشتہ روز باجوڑ میں بم دھماکے میں اسسٹنٹ کمشنرنواگئی سمیت 5افراد شہید اور دس زخمی ہوگئے تھے۔
مزید پڑھیں : باجوڑ بم دھماکہ میں شہدا کی تعداد 5 ہوگئی، 10 زخمی
ڈی پی او وقاص رفیق نے بتایا تھا پھاٹک میلہ کےقریب اسسٹنٹ کمشنرکی گاڑی کونشانہ بنایاگیا، شہیدہونیوالوں میں تحصیلدار وکیل خان، دو پولیس اہلکار اور ایک راہگیر شامل ہے جبکہ حملے میں شدید زخمی چار افراد پشاور منتقل کیے گئے ہیں۔
ڈی پی او نے یہ بھی بتایا تھا کہ حملہ خودکش تھا یا بارودی سرنگ پھٹنے سے دھماکا ہوا، اس کی تحقیقات کررہے ہیں۔
دھماکے میں شہیداسسٹنٹ کمشنر فیصل اسماعیل کا تعلق سوات سے ہے۔
