ممبئی: بالی ووڈ کی کامیاب ترین فلموں میں سے ایک فلم بجرنگی بھائی جان میں منی کا کردار ادا کرنے والی بچی کی نئی تصاویر سامنے آگئیں۔
بالی ووڈ انڈسٹری کی تاریخ میں سب سے زیادہ کمانے والی فلموں میں سے ایک فلم ‘بجرنگی بھائی جان‘ میں دبنگ خان نے مرکزی کردار ادا کیا تھا اور یہ فلم پانچ سال قبل ریلیز کی گئی تھی۔
ہدایت کار کبیر خان کی فلم میں سلمان خان، کرینہ کپور، نوازالدین صدیقی کے علاوہ ایک ننھی اداکارہ ’ہرشالی ملہوترا‘ کا چہرا بھی سامنے آیا تھا، بچی کی اداکاری کو شائقینِ فلم نے بہت پسند کیا تھا۔
بجرنگی بھائی جان میں منی کا کردار ادا کرنے والی اداکارہ ہرشالی پانچ سال میں بہت بدل گئیں۔ انہوں نے سماجی رابطے کی فوٹو شیئرنگ ویب سائٹ انسٹاگرام پر اپنی تصاویر شیئر کیں جنہیں دیکھ کر مداح حیران رہ گئے۔
یہ تصاویر حال ہی میں اُن کی سالگرہ کے موقع پر لی گئیں تھیں۔
