انقرہ: ترک ہدایت کار فیصل سوئیسال کی فلم اخروٹ کا پیڑ نے ساتویں بین الاقوامی بالقان پینوراما فیسٹیول میں بہترین اداکار اور بہترین فلم کے ایوارڈ جیت لیے، یہ سوئیسال کی دوسری طویل دورانیے کی فلم ہے۔
مقامی میڈیا کے مطابق ترک ہدایت کار فیصل سوئیسال کی حالیہ فلم اخروٹ کا پیڑ نے ساتویں بین الاقوامی بالقان پینوراما فیسٹیول میں بہترین اداکار اور بہترین فلم کے ایوارڈ جیت لیے۔
مذکورہ فلم سوئیسال کی دوسری طویل دورانیے کی فلم ہے، فلم کو اس سے قبل چھٹے برمین فلم فیسٹیول میں بہترین ادبی فلم اور آٹھویں ٹورینو انڈر گراؤنڈ فلم فیسٹیول میں بہترین فکشن اور بہترین فلم کے ایوارڈز بھی دیے جا چکے ہیں۔
ہدایت کار فیصل سوئیسال نے بہترین فلم کا ایوارڈ وصول کرتے ہوئے کہا ہے کہ فلم کا مرکزی خیال سربرنیٹسا نسل کشی اور سربرنیٹسا کی مائیں نامی دستاویزی فلمیں بناتے ہوئے ان کے ذہن میں آیا۔
فلم کی نمائش اس فیسٹیول میں 11 تا 17 اکتوبر اور 25 تا 30 اکتوبر کو فرینکفرٹ ترک فلم فیسٹیول میں جاری رہے گی۔
