بلوچستان خوبصورت ثقافتوں اور روایات کا امین صوبہ ہے جس میں بلوچ ثقافت کے رنگ نمایاں ہیں، بلوچی لباس کی بھی خوبصورت روایت ہے۔
بلوچ روایات اور ثقافت کے رنگوں سے مزین پہناوا اس ثقافت کی عکاسی کرتا ہے بلوچی پہناوے کے خوبصورت اور دیدہ زیب رنگ بہت کشش رکھتے ہیں، بلوچی لباس میں ٹوپی دوچ، ٹاری، ویل کر، زیبا بختیار، چجری، ہزار شیشہ، موسم، ہفت رنگا، نیٹ کھوڑو، خلوکی، چوڑ شامل ہیں۔
بلوچ خواتین کے لباس کو علاقائی زبان میں پھشک کہا جاتا ہے، بلوچی پھشک دیکھنے میں بے حد دیدہ زیب اور جاذب نظر ہوتے ہیں۔
بلوچی پھشک پر ڈیزائن کے مطابق شیشہ، دھاگہ، ریشم اور تلے دبکے کا فینسی کام بھی کیا جاتا ہے جو اسے مزید خوبصورت اور پرکشش بناتا ہے۔
پھَشک کئی روز کی شبانہ روز محنت سے تیار ہوتا ہے اس کی تیاری میں ڈیزائن کے مطابق ریشم، ایرانی دھاگہ، شیشے اور تلہ کناری استعمال کیا جاتا ہے۔
خیال رہے کہ بلوچستان کی یہ خوبصورت دستکاریاں ناصرف پاکستان بلکہ بیرون ملک میں بھی بہت پسند کی جاتی ہیں اور خواتین میں کافی مقبول ہیں۔
