بلوچستان اسمبلی میں 11 ہزار ٹیوب ویلز کو رجسٹرڈ کرکے سولر سسٹم پر منتقل کرنے کی قرارداد منظور کرلی گئی۔
اے آر وائی نیوز کے مطابق بلوچستان اسمبلی میں قرارداد رکن اسمبلی اصغر علی نے پیش کی جس میں کہا گیا کہ بلوچستان حکومت نے 29 ہزار رجسٹرڈ ٹیوب ویلز کو سولر پر منتقل کرنے کا خوش آئند فیصلہ کیا ہے۔
قرارداد کے متن کے مطابق بجلی نہ ملنے کی وجہ سے ہرسال زمینداروں کی فصلیں خشک ہوجاتی ہیں۔
قرارداد میں مطالبہ کیا گیا کہ بلوچستان حکومت 11 ہزار غیررجسٹرڈ ٹیوب ویلز کو شمسی توانائی پر منتقل کرے۔
واضح رہے کہ یکم مئی کو پنجاب حکومت نے ٹیوب ویلز کو سولر پر منتقل کرانے میں کسانوں کو سبسڈی دینے کا فیصلہ کیا تھا۔
ذرائع وزارت خزانہ نے بتایا تھا کہ ٹیوب ویلز کو سولر پر منتقل کرانے کے لیے کسانوں کو 12ارب روپے دیےجائیں گے، ہر کسان اپنا ٹیوب ویل 20 کلو واٹ تک سولر پر منتقل کر سکتا ہے۔
وزارت خزانہ ذرائع کا کہنا تھا کہ پنجاب حکومت فی ٹیوب ویل 50 فیصد تک سبسڈی دے گی جس کا مقصد کسانوں کی بجلی کی لاگت میں کمی لانا ہے۔
