کوئٹہ: وزیراعلیٰ بلوچستان نے کرونا کو شکست دے دی ہے، جام کمال چودہ اکتوبر کو کرونا میں مبتلا ہوئے تھے۔
تفصیلات کے مطابق سماجی رابطے کی ویب سائٹ ٹوئٹر پر جاری اپنے بیان میں وزیراعلی بلوچستان نے کہا کہ الحمد اللہ
میرا کرونا کا ٹیسٹ نیگیٹو آگیا ہے، اللہ کا مجھ پر بڑا کرم ہوا ہے، صحت یابی کیلئے دعا کرنے والوں کا مشکور ہوں۔
Alhamdulilah my Covid test has come negative, Allah has been kind and tanks a lot all who have kept in prayers. 🙏
— Jam Kamal Khan (@jam_kamal) November 1, 2020
واضح رہے کہ وزیراعلی بلوچستان جام کمال خان چودہ اکتوبر کو عالمی وبا کرونا وائرس میں مبتلا ہوئے تھے، سماجی رابطوں کی ویب سائٹ ٹوئٹر سے جاری اپنے پیغام میں انہوں نے بتایا تھا کہ میرا کورونا ٹیسٹ مثبت آیا ہے، اور میں نے آئسولیشن اختیار کرلی ہے۔
بعد ازاں چھبیس اکتوبر کو بھی ایک بار پھر وزیراعلیٰ بلوچستان جام کمال کا کرونا ٹیسٹ دوبارہ مثبت آیا تھا، تاہم آج انہوں نے اس وبا کو شکست دے دی ہے۔
یہ بھی پڑھیں: کورونا کا مقابلہ کریں گے، عوام کی زندگی سے بڑھ کر کچھ نہیں، جام کمال
دوسری جانب ترجمان بلوچستان حکومت لیاقت شاہوانی کا اپنے بیان میں کہنا تھا کہ وزیراعلیٰ بلوچستان نے کرونا کے پھیلاؤ کا خدشہ ظاہر کیا ہے، صوبے میں وائرس کے کیسز بڑھنا شروع ہوگئے ہیں، تاہم ابھی تک بلوچستان حکومت نےمائیکرو اسپاٹ لاک ڈاؤن کا فیصلہ نہیں کیا ہے، پچھلےلاک ڈاؤن سےمعیشت کونقصان ہوا، بوجھ عوام پر پڑا۔
لیاقت شاہوانی کا کہنا تھا کہ این سی او سی نےکرونا کی دوسری لہر کے باعث ایس او پیزپر عمل کرنے کی اپیل کی ہے، لیکن ہمارے ہاں صورتحال مختلف ہے، حکومت نے اقدامات کئےاور عوام نےتعاون کیا ہے۔
