The news is by your side.

Advertisement

بلوچستان: گوادر میں فائرنگ سے پانچ مزدور جاں بحق، بلاول بھٹو کا اظہار مذمت

جیونی : بلوچستان میں نامعلوم شر پسندوں نے فائرنگ کرکے کام میں مصروف پانچ مزدوروں کو موت کے گھاٹ اتار دیا، بلاول بھٹو نے مقتولین کے لواحقین سے اظہار افسوس کرتے ہوئے ملزمان کی گرفتاری کا مطالبہ کیا ہے۔

تفصیلات کے مطابق گوادر کے قریب پیشکان سی جی اسکیم پروجیکٹ میں مزدور تعمیراتی کام میں مصروف تھے کہ اچانک نامعلوم افراد نے اندھا دھند فائرنگ شروع کردی جس کے نتیجے میں متعدد مزدور زخمی ہوگئے۔

زخمیوں کو طبی امداد کیلئے اسپتال منتقل کیا جارہا تھا کہ اس دوران پانچ مزدور زخموں کی تاب نہ لاتے ہوئے دم توڑ گئے، جبکہ تین زخمیوں کی حالت تشویشناک بتائی جارہی ہے، نامعلوم ملزمان واردات کے بعد باآسانی فرار ہونے میں کامیاب ہوگئے۔

اس حوالے سے پولیس کا کہنا ہے کہ جاں بحق مزدوروں کا تعلق کراچی، سکھراور ملتان سے ہے، مقتولین کے نام نعیم احمد ولد بابو اور ہنزاللہ ولد عبدالولی کراچی سے، ارشاد علی ولد شیر محمد سکھر سے، محمد شاکر ولد محمد اسماعیل ملتان سے ہے جبکہ ایک مزدور کا نام معلوم نہیں ہوسکا ہے۔

علاوہ ازیں بلوچستان میں فائرنگ سے مزدوروں کی ہلاکت کے افسوس ناک واقعے کی پیپلز پارٹی کے چیئرمین بلاول بھٹو زرداری نے سخت الفاظ میں مذمت کی ہے۔

اپنے ایک تعزیتی بیان میں بلاول بھٹو نے سوگوارخاندانوں سے بھرپور اظہار یکجہتی اور اظہار ہمدردی کیا، چیئرمین پی پی کا مزید کہنا تھا کہ زخمی مزدوروں کے بہتر علاج کو یقینی بنایا جائے، حکومت ملوث ملزمان کوقانون کی گرفت میں لائے، پاکستانی قوم دہشت گردی کیخلاف متحد اور سینہ سپر ہے۔

Comments

comments

یہ بھی پڑھیں