بلوچستان: 45 کروڑ روپے کا غیرملکی سامان برآمد

حب: بلوچستان کسٹمز خضدار کلکٹریٹ نے 45 کروڑ روپے سے زائد مالیت کا غیر ملکی سامان برآمد کرلیا۔

تفصیلات کے مطابق بلوچستان کسٹمز خضدار کلکٹریٹ نے حب میں اسمگلروں کے خلاف بڑی کارروائی کرتے ہوئے 45 کروڑ روپے سے زائد مالیت کا غیر ملکی سامان برآمد کرلیا۔

پاکستان کسٹم بلوچستان ترجمان کے مطابق برآمد کی سامان سرحدات سے اسمگل ہوکر اندرون سندھ سمگل کیا جارہا تھا ۔

چیف کلکٹر کسٹمز عبدالقادر میمن کے مطابق سامان میں لیپ ٹاپ، مختلف انجکشن، الیکٹرونکس، آٹو پارٹس اور دیگر خوردنی اشیا شامل ہیں۔

 کلکٹر انفورسمنٹ خضدار محمد سلیم میمن کے مطابق حب پاس پر دو مال بردار کنٹینرز قبضے میں لے کر 45 کروڑ روپے سے زائد غیر ملکی سامان برآمد کرلیا، سامان اور کنٹینر کو تحویل میں لے کر مقدمہ درج کر لیا گیا۔

Comments