کوئٹہ: بلوچستان میں حکومت سازی کیلیے مسلم لیگ (ن) نے جمعیت علمائے اسلام (ف) سے معذرت کر لی۔
ذرائع نے اے آر وائی نیوز کو بتایا کہ جے یو آئی (ف) کو بلوچستان میں 11 نشستیں جیتنے کے باوجود اپوزیشن میں بیٹھنا ہوگا۔ (ن) لیگ اور پیپلز پارٹی کی مخصوص سمیت 17، 17 نشستیں ہیں۔
وزیر اعلیٰ کیلیے بلوچستان میں 33 ارکان درکار ہیں جبکہ (ن) لیگ اور پیپلز پارٹی کے پاس 34 ارکان پہلے سے موجود ہیں۔
- Advertisement -
ذرائع نے بتایا کہ ممکنہ طور پر بلوچستان عوامی پارٹی کو اتحاد میں لیا جا سکتا ہے، جے یو آئی (ف) کیلیے حکومت سازی میں کوئی جگہ نہیں، (ن) لیگ یا پیپلز پارٹی جے یو آئی (ف) شامل کرتے ہیں تو حکومت میں حصہ بھی دینا ہوگا۔
ذرائع نے یہ بھی بتایا کہ (ن) لیگ اور پیپلز پارٹی دونوں جے یو آئی (ف) کو اپنے حصے سے کچھ دینے کو تیار نہیں ہیں۔
