کوئٹہ: صوبہ بلوچستان میں بجلی کا شارٹ فال 17 سو میگا واٹ تک پہنچ گیا، صوبے میں بجلی کی طلب 22 سو میگا واٹ ہے، مختلف علاقوں میں 18 گھنٹے کی لوڈ شیڈنگ جاری ہے۔
تفصیلات کے مطابق کوئٹہ الیکٹرک سپلائی کمپنی (کیسکو) کا کہنا ہے کہ بلوچستان میں بجلی کا شارٹ فال 17 سو میگا واٹ تک پہنچ گیا، شارٹ فال بڑھتے ہی لوڈ شیڈنگ کے دورانیے میں اضافہ کردیا گیا۔
ذرائع کیسکو کا کہنا ہے کہ بلوچستان میں بجلی کی طلب 22 سو میگا واٹ ہے، بلوچستان کو مرکزی گرڈ سے 500 میگا واٹ بجلی فراہم کی جارہی ہے۔
- Advertisement -
شارٹ فال کی وجہ سے کوئٹہ و دیگر شہروں میں 10 سے 12 گھنٹے کی لوڈ شیڈنگ جاری ہے، ضلعی ہیڈ کوارٹرز میں روزانہ 14 گھنٹے اور زرعی فیڈرز پر 18 گھنٹے لوڈ شیڈنگ ہورہی ہے۔
